မွန်ဘိုင်းမြို့ ကွန်ဖရင့် တက်ရောက်ခဲ့
အိန္ဒိယနိုင်ငံသည် အလွန်ကျယ်၏။ တစ်နေရာနှင့် တစ်နေရာ သွားလာရ ၊ လှည့်လည်ရသည်မှာ တစ်ညအိပ်၊ နှစ်ညအိပ် သွားနေရသည်။ နိုင်ငံကြီး သည့်အ လျှောက် ဘာသာကိုးကွယ်မှုမှာလည်း အတော်များလွန်းသည်။ ဘုရား ရှင်လက် ထက်ကတည်းက ဘာသာပေါင်းစုံ ကိုးကွယ်ကြသည်။ ယနေ့အထိပင် ဘာသာ ပေါင်းစုံ ကိုးကွယ်နေကြသည်။ ထူးထူးခြားခြား မျောက်ဘုရားက တွေခဲ့ရ သေးသည်။ မျောက်ကို ကယ်တယ်ရှင်အဖြစ် သတ်မှတ်ကာ ကိုးကွယ်ကြသည်။ ထို့ အပြင် ဂမ်ပသီ ကိုးကွယ်မှုကိုလည်းတွေ့ခဲ့ရသည်။ ကျွန်ုပ် ခရီးသွားနေသည့်နေရာ အတော်များ များ ကတော့ ဗုဒ္ဓဘာသာများသာနေသည့် နေရာများဖြစ်သည်။
ဟိုက်သရာဘတ်၊ နန်ဒက်၊ ပုဏေး ၊ပုဏ ဘက်သို့ (HIATHARABAD , Nanded, PURNA, PUNE) လှည့်လည်ပြီး မွန်ဘိုင်း ခေါ် ဘုမ်ဘေသို့ ရောက်ခဲ့ရသည်။ မွန်ဘိုင်းမြို့သည် ကျွန်ုပ်တို့ ရန်ကုန်မြို့ထက်ပင် ကြီးသည်။ အရမ်းလူဦးရေ စည်ကားလှသည်။ လူဦးရေထူထပ်သည်။ ဘာသာရေးကို သူ့ဘာသာ ကိုယ့်ဘာသာ အပြိုင်လုပ်ကြသည်။ မွန်ဘိုင်းမြို့တွင် ဗုဒ္ဓဘာသာ ကိုးကွယ် သူ မိသားစုမှာ စာရင်းအရ မိသားစု ၃၀၀- ရှိသည်ဟု သိရသည်။ သို့သော်လည်း ရဟန်းသံဃာမှာ ၃၀-ပါးသာရှိသည်။ လှုဒါန်းဖို့ မလွယ်ပေ။ ရှိနေသည့် သံဃာများ ကလည်း ခေတ်ပညာ များသာ သင်ယူနေကြသည်။ ဗုဒ္ဓဘာသာအကြောင်းကို ထေရ၀ါဒနှင့် မဟာယာပင် ကွဲပြားစွာ နားမလည်ကြ။ သို့သော်လည်း တကာ တကာမများမှာ တာဝန်ကျေပါသည်။
ကျွန်ုပ်ရောက်သည်နှင့် မွန်ဘိုင်းသံဃာများ စုပေါင်းကာ ဟောပြောပွဲ လုပ်ကြသည်။ ဒေါက်တာအမ်ဘေ တကာကို အကြောင်းပြုကာ လုပ်ကြပါ သည်။ ဒေါက်တာအမ်ဘေတကာသည် အိန္ဒိယ ဗုဒ္ဓဘာသာကွယ်ပျောက်ပြီးနောက် ဒုတိယ အကြိမ် ဗုဒ္ဓဘာသာကို ပြန်လည် တည်ထောင် သူဖြစ်ပါသည်။ ဒေါက်တာ အမ်ဘေတကာကိုပဲ အိန္ဒိယက ဗုဒ္ဓဘာသာဝင် အားလုံးက ဗောဓိ သတွာအဖြစ် ကိုး ကွယ်ကြပြန်သည်။ အမှန်တကယ် ကိုးကွယ်မည်ဆိုလည်း ကိုးကွယ် သင့်ပါသည်။ သူ၏ ဟောပြောမှုကြောင့်သာ ယခုကဲ့သို့ ဗုဒ္ဓဘာသာကိုနားလည်ကာ ဗုဒ္ဓဘာသာဝင်များဖြစ်လာရသည်လေ။ ထို့ကြောင့် ဒေါက်တာ အမ်ဘေတကာကို ဘုရားကဲ့သို့ ကိုးကွယ် ကြခြင်းဖြစ်ပါသည်။ ရဟန်းသံဃာတော်များကပင် ရှိခိုး ကန်တော့မှု ပြုနေ ကြသည်။
အမှန်တကယ်အားဖြင့် ရဟန်းတော်များသည် လူသားကို ရှိခိုးခွင့်မရှိပါ။ လူသားများ စောင့်ထိန်းသည့် သီလမှာ ၅ -ပါးသီလ၊ ၈-ပါးသီလ ၊ အလွန်ဆုံး စောင့် ထိန်းပါမှ ၁၀-ပါးသီလ။ ကျွန်ုပ်တို့ ရဟန်းတော်များသည် ၂၂၇- ၀ိနည်းကို ထိန်းထားရ သည်။ ထိုအကြောင်းပင် မသိတော့ လူပုဂ္ဂိုလ် ဖြစ်သူ ဒေါက်တာ အမ်ဘေတကာကိုပင် ရှိခိုးနေကြသည်။ ဤအကြောင်းအရာနဲ့ ပတ်သက်ပြီး ကျွန်ုပ်က ဟောပြောပွဲတွင် အောက်ပါ အတိုင်းရှင်းပြခဲ့ပါသည်။
(၂၀- ၂- ၂၀၁၁) ရက်နေ့ ညနေ ၁-နာရီမှ စတင်ပြီး ကျင်းပသည်။ ပွဲနေရာက အသောကရှင်ဘုရင် လက်ထက်က ရဟန်းတော်များ တရားအားထုပ်ခဲ့သည့် လိုင်ဂူအနီး မွန်ဘိုင်းမြို့ရဲ့ မြောက်ဖျားဘက်မှာ ဖြစ်ပါသည်။ ဗုဒ္ဓဘာသာဝင်များပါမက အခြား ခရစ်ယာန်၊ ဟိန္ဒူ၊ မူစလင်၊ စသည့် အခြားဘာသာဝင်များပါ လာရောက် နားထောင်ကြသည်။ အိန္ဒိယ ရဟန်းတော်များကတော့ ထုံးစံအတိုင်း ဒေါက်တာ အမ်ဘေတကာက ဘယ်လိုဟောပုံ ၊ဘယ်လိုဟောခဲ့တယ်စသည်များကို ဘုရား၏ တရားထက် ဒေါက်တာအမ်ဘေတကာက ဟောသည်ပဲ ပြောကာ ဟောပြောသွား ကြသည်။
ကျွန်ုပ်အလှည့်ရောက်လာပါသည်။ နိုင်ငံခြားသာဆိုလို့လည်း ကျွန်ုပ်တပါးသာ ရှိပါသည်။ ဒါ့ကြောင်းလည်း ကျွန်ုပ်က အထူးပင် ဖြစ်နေပါသည်။ အသားမဲတဲ့  လူများကြား ကျွန်ုပ်က ထင်ပေါ်သလိုဖြစ်နေပါသည်။ ကျွန်ုပ်အလှည့်ကျတော့ ပထမဆုံး ကျွန်ုပ်က မြန်မာနိုင်ငံပုံ တရားဟောခြင်းမျိုးမဟုတ်ပဲ ဆွေးနွေးခြင်းသဘော ဟောမည့် အကြောင့် ပြောကာ စကားပလ္လင်တည်လိုက်ပါသည်။ တရားနာပရိတ် သတ် ကလည်း ကျွန်ုပ်ပြောသည်ကို အရမ်းသဘောကျကာ လက်ခုပ် တီးကြသည်။ သို့ဖြင့် မေးခွန်း တစ်ခုမေးလိုက်ပါသည်။
“ ဘာ့ကြောင့် လောကမှာ ဘာသာတရားတွေ ပေါ်ပေါက်လာရတာလဲ”ဟု မေးခြင်းဖြင့် ကျွန်ုပ်၏ တရားပွဲကို စတင်လိုက်ပါသည်။ မည်သူမျှ မဖြေကြ။ နားသာ ထောင်နေကြသည်။ ထို့ကြောင့် ကျွန်ုပ်ကပင် အဖြေပေးလိုက်ပါသည်။ ကြောက်ခြင်း ဟူသော အကြောင်းတရားများကြောင့် ဘာသာတရားအသီးသီး ပေါ်ပေါက်ခဲ့ပါသည်။ ဒါနဲ့ ပတ်သက်ပြီး မြတ်ဗုဒ္ဓက “ ဗဟုံ ဝေ သရဏံ ယန္တိ ပဗ္ဗတာနိ ၀နာနိစ” စသဖြင့် ပါဠိ စကားလေး ထည့်ကာ ရှင်းပြလိုက်သည်။ လူသားတွေ ကိုးကွယ်နေကြသည့် ဗုဒ္ဓဘာသာ၊ ခရစ်ယာန်၊ မူစလင်၊ ဟိန္ဒူ စသည့် ဘာသာများကား လူသားတို့က ဆင်းရဲဒုက္ခရောက်မည် ဆိုးသောကြောင့်ကိုးကွယ်နေကြပါသည်။ မကြောက်ရင် ကိုးကွယ်ကြမည်မဟုတ်ပါ။ ဤကား လူ့လောကမှာ ဘာသာတရားများပေါ်ပေါက်လာပုံ အကျဉ်း ဟောပေးခဲ့ခြင်းဖြစ်ပါသည်။ သူတို့ကို ဘာ့ကြောင့် ဘာသာတရားတွေ ပေါ်ပေါက်လာတာလဲ မေးကြည့်တော့ ဟိန္ဒူ တကာကြီးတစ်ယောက်က “ ဟုတ်တယ်၊ ကျွန်တော်တို့ က ဒီဘုရားတွေကို ကြောက်လို့ ကိုးကွယ်နေကြတာ၊ အားကိုးစရာ မရှိလို့ အားကိုးပြီး ကိုးကွယ်နေကြတာ၊ ဒါ့ကြောင့် အရှင်တို့ ဂေါတမဟောတာ မှန်ပါတယ်” ဟု ထောက်ခံပေးပါသည်။
နောက်တော့ ကျွန်ုပ်က ဘာမေးချင်လဲ ဘာသာရေးနဲ့ပတ်သက်ပြီး ကျွန်ုပ်စွမ်းသလောက် ဖြေပေးပါမည်ဟု မေးခွန်းတစ်ခု ထပ်ပေးလိုက်ပါသည်။ နောက်တစ်ယောက် ဟိန္ဒူတကာပါပဲ။ သူကတော့ ဟိန္ဒူခေါင်းဆောင်ပါ။ နောက်မှ သိရသည်ရတာပါ။ သူက ဘာမေးလဲဆိုတော့ “ ငါ စင်ကြယ်သန့်ရှင်းသော ဗုဒ္ဓဘာ သာဖြစ်ချင်တယ်။ ငါက အခု မှ ငါ့ရဲ့စိတ်ထဲမှာ ဗုဒ္ဓဘာသာပြောင်းထားတာ။ ဒါပေမဲ့  ဒီမှာရှိတဲ့ ရဟန်းတော်တွေက ဆိုင်ကယ်တစ်င်္စီးနဲ့ ဟိုသွား ဒီသွား အအိပ်နဲ့ အစားပဲ လုပ်နေတာ၊ ငါမကြိုက်ဘူး။ ဗုဒ္ဓဘာသာက အဲ့လိုဆို မကောင်းဘူး။ သူတို့ အဲ့လို လုပ်နေရင် ငါက ဖြူစင်တဲ့ ဗုဒ္ဓဘာသာ ဖြစ်ပါ့မလား ရှင်းပြပေးပါ” ဟု ပြောလာ၏။
ဒီမေးခွန်းအတွက် လွယ်ပါတယ်။ တကယ်တော့ ဗုဒ္ဓဘာသာဆိုတာ ရဟန်း တွေကို ပြောတာမဟုတ်ဘူး။ ဗုဒ္ဓ၏ တရားတွေ၊ ဗုဒ္ဓလမ်းညွှန်ခဲ့တဲ့ နည်းလမ်း လေးတွေကသာ ဗုဒ္ဓဘာသာလို့ ခေါ်တာပါ။ ရဟန်းတွေ ကိုရင်တွေ ကောင်းတာ လုပ်တာ မကောင်းတာလုပ်တာ လိုက်ဝေဖန်နေတာ ဗုဒ္ဓဘာသာ မဟုတ်ပါဘူး။ အဲ့ဒါ ဝေဖန်ရေးသမားသက်သက်ပါ။ ရဟန်းတွေဆိုတာလည်း ဗုဒ္ဓဘာ သာဝင် ဗုဒ္ဓဘာ သာခေါင်းဆောင်တွေပါပဲ။ အဓိကတော့ ဖြူစင်သော ဗုဒ္ဓဘာသာဖြစ်ချင်ရင် ကိုယ့် ကိုယ် ကို ဖြူစင်အောင်နေ၊ အပြစ်ကင်းတဲ့ အလုပ်ကိုလုပ်၊ ဗုဒ္ဓရဲ့တရားတွေကို ကျင့်ကြ ည့်လိုက်။ ကြိုက်တယ် ၊မှန်တယ်ထင်ရင် ကျင့်ကြံကြိုးကုတ် အားထုတ်ပါ။ ပြီးမှ အမှန် တရားကိုသာ ဟောလို့ ကျေးဇူးတင်သောအားဖြင့် အရိုအသေ ပေးချင်ပေးပေါ့။ မပေးလည်း ဒို့ ဗုဒ္ဓကတော့ မင်းတို့ကို ဘာဖြစ်ပါစေ။ ညာဖြစ်ပါစေ လို့ မင်းတို့ကိုးကွယ်နေတဲ့ ဘုရားတွေလို ကြိမ်းဆဲံမှာ မဟုတ်ဘူး။ အဲ့ဒါ ဗုဒ္ဓပဲ။ ဗုဒ္ဓ၀ါဒပဲ။ လော ကမှာ ဆိုးသည် ကောင်းသည်ဆိုသည်မှာ ဘယ်သူမပြု မိမိမှုပါပဲ။ အခြား ဘယ်သူမှ မိမိရဲ့ ဖန်တီးရှင်မဟုတ်ပါ။ မိမိသာလျှင် မိမိ၏ ကောင်းကျိုးဆိုးကျိုးကို ဖန်တီးရှင်ဖြစ်ပါသည်။ မိမိသာလျှင် မိမိရဲ့ ကိုးကွယ်ရာဖြစ်ပါသည်။ မိမိမကောင်း မှုပြုမိတာကို ဘုရားသွားပြီး တာဝန်ယူခိုင်းတာလည်း သဘာဝမကျပါဘူး။ ကိုယ့် ကြောင့်ဖြစ်တဲ့ မကောင်းမှုကို သူများကို ချောက်တွန်းတာ မကောင်းသလို ဘုရား သွားပြီး အပြစ်ပုံချတာလည်း လူမဆန်တဲ့ အကျင့်ပါပဲ။ ကိုယ့်ရဲ့ မကောင်းမှုကို ဘုရား သွားပြီး တာဝန်ယူခိုင်းတာလည်း မှန်ကန်တဲ့့စိတ်ဓာတ်မဟုတ်ပါဘူး။
ဒါ့ကြောင့် ဖြူစင်သော ဗုဒ္ဓဘာသာဖြစ်ချင်ရင်တော့ ဗုဒ္ဓေါ သရဏံ အညံ နတ္ထိ ဆိုကာ အခြားဂေါ့သွားပြီး အာမင် သွားလုပ်နေရင် သရဏဂုံပျက်ပါသည်။ ဖြူစင်သော ဗုဒ္ဓဘာသာလည်းမဟုတ်ပါ။ သတိ ထားသင့်ပါသည်။ ထို့အပြင် တရားနာပရိတ်ကို နောက်မေးခွန်းတစ်ခု ထပ်မေးလိုက် ပါသည်။ သူတို့ က ဒေါက်တာအမ်ဘေတကာကို ဗောဓိသတွာ ဟု ယုံကြည်ကြသည်။ ကိုးကွယ်ကြသည်။ ပွဲမတက်ခင်ကတည်းက ကျွန်ုပ်နှင့် ကျွန်ုပ်သူငယ်ချင်းများ အိန္ဒိယနိုင်ငံသား ရဟန်းတော်များနှင့် အပြင်မှာ ကတည်းက ငြင်းခဲ့ရသေးသည်။ ပွဲမစခင် ဒီအကြောင်းနဲ့ပတ်သက်ပြီး ငါ့ကို ပြောခွင့် ပေးမလားဟု သူငယ်ချင်းတွေကို ခွင့်တောင်းကြည့်တော့ ရပါတယ် ပြေပါသည်။ သဘာဝယုတ္တိရှိဖို့တော့ လိုလိမ့်မည်ဟု သူတို့ကပင် ကျွန်ုပ်ကို ဟန့်တားသေးသည်။ သူတို့ကိုယ်တိုင်လည်း ဗောဓိသတွာ ဘုရားဖြစ်လာမည့် ပုဂ္ဂိုလ်၏အင်္ဂါများကို နားမ လည်ကြ။
အလျဉ်းသင့်၍ ဗောဓိသတွာ၏ အင်္ဂါများကို ဖော်ပြလိုက်ပါသည်။ ဗောဓိသတွာ ဘုရားဖြစ်မည့် ပုဂ္ဂိုလ်သည်-------
၁။ ယောက်ျားစင်စစ် ဖြစ်ရမည်၊
၂။ သက်ရှိဘုရားရှင်နှင့် မျက်မှောက်တွေ့ရမည်၊
၃။ လူသားစင်စစ်ဖြစ်ရပါမည်။
၎။ ရသေ့ ရဟန်းဖြစ်ရပါမည်။
၅။ ဘုရားဖြစ်လိုသော ဆန္ဒ ပြင်းပြနေရပါမည်။
၇။ ဈာန်သမာပတ်နှင့်လည်း ပြည့်စုံရပါမည်။
၈။ ဘုရားဆုကိုလည်းတောင်းယူခြင်းတို့ ဖြစ်ပါသည်။
အထက်ပါ အင်္ဂါများနှင့် ညီပါက ဗောဓိသတွာဟု ခေါ်ဆိုနိုင် သတ်မှတ်နို်င် ပါသည်။ အထက်ပါ အင်္ဂါများကို နားမလည်သော အိန္ဒိယက ဗုဒ္ဓဘာသာများသည် ဒေါက်တာအမ်ဘေတကာကို၎င်း၊ အဋ္ဌာတထာများကို ရေးသားခဲ့သော ဗုဒ္ဓဃောသ ကို ၄င်း ဗောဓိသတွာဟု ယူဆကာ ကိုးကွယ်နေကြသည်။ အရိုအသေကား ပေးထိုက် ပါ သည်။ အထက်ပါ အင်္ဂါများ ရှင်းပြကာ သူတို့ကို မိမိတို့ ကိုယ်တိုင် ဆုံးဖြတ် သုံးသပ်ရန်။ ထိုကဲ့သို့ ရှင်းပြလိုက်ပါသည်။ ပြီးတော့ အိန္ဒိယနိုင်ငံသည် မဟာယာန လွမ်းနေသော နိုင်ငံဖြစ်ပါသည်။ ဒရိုင်းလာမား၏ လွမ်းမိုးမှုကြောင့် မဟာယာန လွမ်းမိုးနေခြင်းဖြစ် ပါသည်။ ဗုဒ္ဓဂါယာသို့ ဘုရားဖူးရောက်ဖူးများ တွေ့ဖူးကြလိမ့်မည်။ ဘုရားပတ ၀န်းကျင်တွင် ပင်ပန်းစွာ ဒိုင်မင်ထိုးနေကြည့် မဟာယာနတိဘက် ရဟန်းတော်များ နေ့စဉ် ထိုးနေကြသည်။
စင်စစ်အားဖြင့် ထေရ၀ါဒ ဗုဒ္ဓဘာသာဆိုသည်မှာ မူလဘာသာ ဖြစ်သည်။ မူလဘာသာဆိုသည်မှာ မူရင်းဘာသာ ဗုဒ္ဓ၏ တရားများကို ပြောင်းလဲ ထည့်စွက်ခြင်း မရှိလက်ခံကျင့်သုံးနေသော ဘာသာကို ဗုဒ္ဓဘာသာဟု ခေါ်ပါသည်။ အချို့ သော ၀ိနည်းသိက္ခာပုဒ်များကို ပြောင်းလဲ ဖြုတ်ပစ်သော ဘာသာကို မဟာယာန ဗုဒ္ဓဘာသာ ဟုခေါ်ပါသည်။ မဟာယာန ဘာသာဝင်များကတော့ ထေရ၀ါဒဗုဒ္ဓ ဘာသာကို ဟိနယာန သေးငယ်သော ယုတ်နိမ့်သောဘာသာဟု ထင်ကြသည်။ ဗုဒ္ဓဟောကြားခဲ့ သော တရားတော်များသည် အစ၏ကောင်းခြင်း၊ အလယ်၏ ကောင်းခြင်း၊ အဆုံး ၏ ကောင်းခြင်းနှင့်ပြည့်စုံနေပါသည်။ ဖြည့်စွက် ရန်လည်း မလို။ နှုတ်ပယ်ရန်လည်း မလိုပါ။ ဘုရားပရိနဗ္ဗာန်စံပြီးကတည်းက ဘုရားရှင်၏ တရား တော်များကို မထေရ်ကြီးများ အစဉ်အဆက်ကိုးကွယ်လာခဲ့သော ဘာသာကို ထေရ၀ါဒ ဟု ခေါ်ပါသည်။
ကျွန်ုပ်၏ ဟောပြောမှုပြီးသည်နှင့် တကာတစ်ယောက်က ထလျှောက်လိုက် သေးသည်။ အိန္ဒိယနိုင်ငံကို ခရီးလှည့်လည်ရတာ အခြေအနေ ဘယ်လိုလဲ ဟုမေး လျှောက်သဖြင့် ကျွန်ုပ်လည်း “ အရမ်းကျေနပ်ပါတယ်။ ဗုဒ္ဓဘာသာကိ အခုလို စိတ်ဝင် စားကြတာကို တွေ့ရတော့ ဖော်မပြတတ်အောင် ရင်ထဲမှာကြည်နူးမိသည်။ အားလုံးက ဖော်ရွေစွာ ပြုစုကြသည်။ မွန်ဘိုင်းမြို့ကြီးကလည်း အရမ်းသာယာ လှပါသည်။ သို့သော် စိတ်မဆိုးနဲ့ ဘူးဆိုရင် စကားတစ်ခွန်းပြောချင်ပါသည်” ဟုပြောလိုက်သော အခါ “ ပြေပါ အားမနာပါနဲ့”ဟု ပြောတာနဲ့ ကျွန်ုပ်လည်း ပွင့်ပွင့် လင်းလင်း မြင်ကွင်းမကောင်းတာ မြို့ရဲ့ အလှကို ဖျက်ဆီးးနေတာတစ်ခုရှိတယ်။ အဲ့ဒါကတော့ မြို့အလယ်ခေါင်မှာ မစင်စွန့်နေခြင်း ၊ သေးပေါက်ေ နြ ခင်း ကတော့ အဆိုးဆုံးမြင် ကွင်းတစ်ခု ဖြစ်နေပါသည်” ဟုပြော လိုက်တော့ တဝေါ ဝေါရယ်မော ကြသည်။ အဲ့ဒါလေးတော့ သတိထားပြီး ဆင်ခြင် သင့်ပါသည်ဟု ပြောခဲ့ပါ သည်။ အမှန်တကယ် လည်း မြို့အလယ်ခေါင် သေးပေါက်နေခြင်း၊ မစင်စွန့်နေခြင်းက အရှက် ကင်းမဲ့ခြင်း ထက် မြို့၏ အလှကို ဖျက်ဆီးနေပါသည်။
ဤဟောပြောပွဲတွင် ကျွန်ုပ်မေးလိုက်သည့် မေးခွန်းက “ မူးရင်းနဲ့ ကော်ပီ ဘယ်ဟာ ပိုကောင်းလဲ” ဟုမေးလိုက်ပါသည်။အားလုံးကမူရင်းကသာ ပိုကောင်း ကြောင်း ဖြေကြသည် ။ အေး…ဒါ ဆို ထေရ၀ါဒသည် သေးငယ်သော ဘာသာ သို့မ ဟုတ် ယုတ်နိမ့်သော ဘာသာဆိုတာထက် မူရင်း ဆိုတာကို မမေနဲ့”ဟုပြောကာ ကျွန်ုပ် ၏ ဟောပြောမှုကို နိဂုံးသတ်လိုက်ပါသည်။
No comments:
Post a Comment