Tuesday, January 11, 2011

ဘုရားဆီယူမှာ သီလယူ (၂၀)


ဘုရားဆီမှာ သီလယူခိုင်း
        ကျွန်ုပ် တာဝန်ကျရာ တောင်တန်း ဒေသများတွင် ဗုဒ္ဓဘာသာဝင် တိုင်းရင်းသားများနှင့် ဌာနဆိုင်ရာတွင် တာဝန်ထမ်းဆောင် ကြရသည့် ဗုဒ္ဓဘာသာ ၀န်ထမ်းများ အတွက် သာရေး၊ နာရေး ၊ ပြုလုပ်ရာတွင် ရဟန်းသံဃာ ရှားပါးမှု အခက်အခဲ တစ်ခုလည်း ပါဝင်ပါသည်။ တစ်ကျောင်းတစ်ပါးပင် ရှိသော်လည်း အားလုံးသော ဘုန်းကြီးများက  သာသနာပြု ရဟန်းတော်များချည်းသာ ဖြစ်ပါသည်။
        လေရှီးမြို့နယ်တွင် သာသနာပြု ရဟန်းတော် ၁၉-ပါးရှိပါသည်။ တစ်ကျောင်းနှင် တစ်ကျောင်း အနီးဆုံးကျောင်းပင် ၁၀-မိုင် ၊ ၁၅-မိုင်ဝေးသည်။ တောင်တက် တောင်ဆင်းလမ်းဖြစ်၍ သွားရေ လာရေး မလွယ်လှ။ လမ်းပန်း သွားလာရေး ခက်ခဲသဖြင့် တော်ရုံ တန်ရုံ သာရေး နာရေးဆိုလျှင် အခြား ကျောင်းကို လှမ်း မပင့်ရက်ပေ။ သာရေးတွင် ကိစ္စမရှိသော်လည်း နာေ၇းတွင် ရဟန်းသံဃာမရှိပါက ဗုဒ္ဓဘာသာဝင်များအနေဖြင့် အတော်ဒုက္ခရောက်ကြသည်။
        ကျွန်ုပ် လေရှီးမြို့သို့ အကြောင်းတစ်ခုခုကြောင့် သွားလျှင် တစ်ရက်ခရီးအပြည့် လမ်းလျှောက်သွားရ၏။ ၃-၄-ရက် အနားယူရ၏။ ရွာမှ နာရေးကြုံ လျှင် မပြန်နိုင်တော့ ။ ပြည်မထဲတွင် ခရီးဘယ်မျှဝေးဝေး ဆိုင်ကယ်များ ကားများရှိနေ၍ သွားရေးလာရေး လွယ်ကူရကား မိမိ ရွာကျောင်းမှ ဆရာတော် ခရီးသွားလျှုင်ပင် ပတ်ဝန်းကျင်မှ ဘုန်းကြီးကို  အလွယ်တကူ ပင့်၍ ရနိုင်သည်။ တောင်တန်းဒေသ ခရီး သွားရာတွင် တစ်ချို့ ရွာသွားရာ၌ လမ်းဟူ၍ မယ်မယ်ရရ မရှိပေ။ တစ်ခါတစ်ရံ အမြန်ရောက်ချင်၍ ဖြတ်လမ်းက သွားရသည့် အခါ သစ်ပင်များ ကျောက်တုံများကို ဆွဲကိုင်၍ ခုံပျံ ကျော်လွား သွားခဲ့ရသည်။
        ကျောက်ကမ်းပါး ကြီးလွန်း၍ ဆင်းလျှင် ဂရုစိုက် သတိထားရ၏။ တစ်ခါ တစ်လေ ကိုယ့်နောက်က လူ ခြေချော်၍ ပြုတ်ကျသွားလျှင်ပင် ရှေ့လူက လှမ်းမထိန်းရဲပေ။ လှမ်းထိန်းလျှင် နှစ်ဦးလုံး ကျသွားနိုင်သည်။ နှစ်ဦးလုံး ကျသွားမှ ကယ်သူမရှိ၊ ဒုက္ခရောက်သည်။ ထို့ကြောင့် တစ်ဦးပြုတ်ကျသွားလျှင် “ကျချင်ရာ ကျပါစေ “ ဟု သဘောထားပြီးမှ ကယ်ရသည့်အခါလည်း ရှိသေးသည်။ ဤသို့သော ခရီးမျိုးကို သိထား၊ ကြားထားသည့် အတွက် တစ်ခြားကျောင်းမှ ရဟန်းသံဃာများကို ပင့်ဖို့ရာ ခက်ခဲလှသည်။
        ထို နာရေး အခက်ခဲကို ဖြေရှင်းရန်နည်းလမ်း ကြံထားရသည်။ ကျွန်ုပ် မရှိသည့် အခါ နာရေးကြုံလာပါက ကျောင်းရှိဘုရား ဆင်းတုတော်ကို ပင့်၍  ဘုရားဆင်းတုတော်ထံမှာပင် ရှေ့ဆုံးတစ်ယောက်က တိုင်ပေးစေ၍ သရဏုံတင်ခြင်း၊ သီလခံယူခြင်း လုပ်ဖို့ မှာထားရင်း ရဟန်းသံဃာ မရှိသည့် အခက်အခဲကို ဖြေရှင်းခဲ့ရပါတော့သည်။
        ကျွန်ုပ် ကံ ကောင်းသည် ဟု
        ဆိုရမည်လား။ ရွာသူ ရွာသားများကို ဗုဒ္ဓဘုရားရှင်
        စောင့်ရှောက်သည်ဟု ဆိုရမည်လား။သေချာပင်
        မသိနိုင်….
       

No comments:

Post a Comment