Tuesday, January 11, 2011

ပါရာကို ဂါထာပြောင်းတိုက်ခဲ့ရသည် ( ၁၄)



တောင်တန်းဒေသတွင်တွေ့ကြုံရသည့်အခက်အခဲတစ်ခုကား ဆေးဝါးပြတ်လပ်မှု ပင်ဖြစ်သည်။ ပြည်မထဲမှ တကာ။ တကာမများနှင့် ဆရာတော် ဦးတိက္ခတို့မှလှုဒါန်းကြသော်လည်း လမ်းခရီးအခက်အခဲကြောင့်အလွယ်တကူမရောက်နိုင်ပေ။ မြို့ပေါ်ရှိဆေးဆိုင်များတွင်ဝယ်ယူရန်မှာလည်းဈေးမတန်တဆများလွန်းရကားခက်ရပြန်၏။
မန္တလေးရောက်တုန်းရောက်ခိုက်သယ်လာခဲ့သောဆေးများကလည်းတစ်ရွာလုံးလိုလိုပင်ဝေရ၊ ပေးရသောကြောင့် ၁-လ ။၂- လဆို မရှိသလောက်ဖြစ်သွားရသည်။ အထူးသဖြင့် ငှက်ဖျားပျောက်ဆေး။ အကိုက်အခဲပျောက်ဆေးများ ခဏ ခဏပြတ်တတ်သည်။
          ကျွန်ုပ် ခရီးရှည်ထွက်သည့် အချိန်တွင် ရွာသားများဖျားကြ။ နာကြဖြစ်ကြလျှင် ဆေးမသောက်ရပေ။ အိပ်ယာထဲတွင်သာ အိပ်ကြရသည်။ ကျွန်ုပ်ကို မျှော်လင့်နေကြသည်။ ကျွန်ုပ်ပြန်ရောက်လာလျှင် ဖျားနားနေသူအားလုံး ကျောင်းခေါ်လာကြသည်။ပါလာသည့် ဆေးများကို သင့်သလို ဝေတိုက်ကျွေးရသည်။
          တစ်ခါတစ်ရံ ပါလာသည့် ဆေးပြတ်သွားသောအခါတွင် လည်းကောင်း။ဆေးနှင့် ရောဂါမကိုက်ညီသောအခါတွင် လည်းကောင်း။ ပါရာစီတမော့ နှင့်ဘာမီတွန်ကို တိုက်ရ၏။
ပါရာစီတမော့ နှင့်ဘာမီတွန်ကို တော့ အဓိကဆေးအနေဖြင့် ၅-လ ။၅-လစာဝယ်ထားရသည်။ ထိုဆေးနှစ်မျိုးကတော့ပြတ်သည်သိပ်မရှိ။ကျန်သည့်ဆေးများ ကုန်သွား၍လူနာလာသောအခါဆေးမရှိတော့ဟု  ပြောမဖြစ်။ ထိုအခါအကြံထုတ်ရပြန်သည်။ ပထမဖျား၍ လာသူကို သမ္ဗုဒ္ဓေဂါထာဖြင့် ပါရာစီတမော့ ဆေးကို ရွတ်ဖတ်၍ ဆေးတိုက်ပြီး ဒုတိယလူကို” ဇယစက္ကော ဇယန္တော ယော “ စသော ဂါထာ ရွတ်ဖတ်ကာ ယင်းပါရာစီတမော့ဆေးကိုပင် ပေ့းရသည်။ ဆေးတိုက်တိုင်းလည်း ဂါထာရွတ်ဖတ်၍ တိုက်ပေးရသည်။ လူနာတွေများသည့် အခါ နားကြားမရိုးအောင် ဂါထာကို အမျိုးမျိုး ပြောင်း၍ ရွတ်ပေးရ၏။ “ အနိစ္စာ ၀တ သင်္ခါရာ “ စသည့် ဂါထာများ မေတ္တာသုတ် ပရိတ် ပါမကျန် ရသမျှဂါထာ အကုန် အသုံးပြုရ၏။ လူနာရော ကျွန်ုပ်ပါ ဘုရား ရှေ့မျက်နှာမူပြီး အသံကျယ်ကျယ် နှင့် ရွတ်ပေးရသည့်အခါတွေလည်း မနည်း.။
          စိတ်၏ ယုံကြည်မှု စွမ်းအားဟုပင် ဆိုရမည်လား မသိ။ တရားသံကို ကြားရသည့်အခါ လူနာစိတ်ချမ်းသာ ကြည်နူးရသည်က တစ်ကြောင်း။ မြတ်ဗုဒ္ဓ၏ ဂါထာများ၏ အစွမ်းကလည်း တစ်သီ။ ကျွန်ုပ်အပေါ် ယုံကြည်သည်ကလည်း တစ်တန်။ ထို့ကြောင့် အနာနှင့် ဆေး သင့်အောင်မေပးနိုင်ခဲ့ပေသော်ငြား ပါရာဂါထာပြောင်းတိုက်ရင်း အတော်တန်ဖျားနာများကို ကုသပေးခဲ့ရာ ပျောက်ကင်းခဲ့သည်ကို ကြုံရသည်။
          တောင်တန်းသာသနပြုရဟန်းဘ၀ကားဤသို့ပင်ပါရာကိုဂါထာပြောင်းတိုက်ခဲ့ရည့် အခါများလည်းအမှန်တကယ်ပင် ရှိခဲ့ပါသည်။
          ဆက်လက်ဖတ်ရှုရန်……..နောက်ဘ၀ ဘုန်းကြီးဖြစ်မှာလား..

No comments:

Post a Comment